Year: 2024
Type: article
Abstract: . Ақпараттық технологиялар, оның ішінде электрондық білім беру ресурстары бүгінгі таңда білім беруді дамытудың негізгі көрсеткіштерінің біріне айналуда. Электрондық білім беру ресурстарының оқу процесіне қосылуы оқушылар мен ата-аналар оқу орындарын таңдайтын тартымды сәт болып табылады. Электрондық білім беру ресурстарын пайдалану оқу процесінің үлкен мүмкіндіктерін ашады. Олар білім беру жүйесінің тиімділігін қамтамасыз етіп қана қоймай, жалпы қоғамның дамуына да әсер етеді. Болашақ информатика мұғалімдерінің электронды білім беру ресурстарын құруға дайындығын зерттеудің жеке бағыты ретінде қалыптастыру мәселесін бөлу біздің республикамыздағы сандық технологиялар саласындағы стратегиялық бағыттармен де, компьютерлерді әр түрлі іс-әрекетте қолдану тәжірибесінің жағдайымен де байланысты. Қазіргі уақытта болашақ мұғалімді электрондық ресурстарды пайдалануға ғана емес, сонымен қатар оқу процесінде құру мен қолдануға, жалпы білім беретін мектептерде ЭББР енгізу әдістемесін әзірлеуге дайындауды жүзеге асыру қажеттілігі туындады (Сарсенбиева и др., 2021). Осылайша, ЭР құру бойынша болашақ мұғалімдерді ғылыми-әдістемелік қамтамасыз ету қажеттілігі туындайды, бірақ сонымен бірге информатиканы оқыту теориясы мен әдістемесінде ЭББР әзірлеудің мазмұны жеткіліксіз ұсынылған, әзірленген әдістемелік ұсынымдар жалпы сипатқа ие. Сондықтан, зерттеудің өзектілігі болашақ информатика мұғалімдерін ЭББР құруға даярлау әдістемесін құру қажеттілігімен байланысты. Бұл мәселенің өзектілігі және туындаған қайшылықтарды жеңудің жолдарын іздеу біздің зерттеуіміздің тақырыбын таңдауға әкелді. Біздің зерттеуіміз қазіргі заманның өзекті мәселесіне – болашақ мұғалімдердің мектептегі сабақтарда электрондық білім беру ресурстарын әзірлеуге және пайдалануға дайындығын қалыптастырудың негізгі ережелерін негіздеуге арналған. Зерттеу жүргізу қажеттілігі кәсіби міндеттерді шешу үшін ақпараттық технологияларды қолдана алатын жоғары білікті кадрларды даярлауға мемлекеттің талаптарының артуымен байланысты болды. Осы технологиялармен еркін жұмыс істей алатын мамандарды даярлауда жоғары оқу орындары маңызды рөл атқарады.
Language: Kazakh
Subfield: Information Systems
Field: Computer Science
Domain: Physical Sciences
SDG: Quality education
Open Access status: bronze
OpenAlex ID: W4403782282