Year: 2024
Type: dissertation
Abstract: Gradu Amaierako Lan honetan Hizkuntza Eredu Handien (HEH) inferentzia gaitasuna ebaluatuko da. Monotonicity arrazonamendua oinarri hartuta, Natural Language Inference (NLI) ataza birformulatuko da, inferentzia-erlazioei direkzionalitatea gehituz. Ideia bera jarraitzen duen anotazio linguistikoez osatutako PhrasIS (Phrase pairs with Inference and Similarity) datu-baseaz baliatuta, direkzionalitate aldakorreko esaldien aurrean HEH-ek daukaten errendimendua neurtuko da, bereziki entrenamendu datuetatik kanpo orokortzeko gabeziaren Reversal Curse arazoan arreta berezia jarriz. Horretarako, Transformer arkitekturan oinarritutako aurre-entrenatutako ereduak erabiliko dira. Alde batetik, eredu hauek PhrasIS-en gainean fine-tune-atuko dira, ereduen egokitzapen gaitasuna neurtzeko. Bestetik, eredu sortzaileak zero-shot eta few-shot konfigurazioekin ebaluatuko dira, aurretiko entrenamendurik gabe ataza berrian duten errendimendua aztertzeko. Azkenik, koherentzia kausalaren kontzeptua aurkeztuko da, HEH-en iragarpenen kausalitate-koherentzia modu kuantifikagarrian ebaluatzeko diseinatutako metrika berria.
Author: Apaolaza Larraya, Jon Felix
Language: Spanish
Subfield: Artificial Intelligence
Field: Computer Science
Domain: Physical Sciences
Open Access status: green
OpenAlex ID: W7164460577
