Sport Psixologining Kasbiy Kompetentligini Tadqiq Etishning Zamonaviy Yo'nalishlari Va Metodologik Muammolari
Year: 2026
Type: article
Abstract: Maqolaning maqsadi sport psixologining kasbiy kompetentligi bo'yicha tadqiqotlarni asosiy muammoviy yo'nalishlar kesimida tizimlashtirish va bo'lajak mutaxassislarni tayyorlashga oid metodologik vazifalarni aniqlashtirishdan iborat. Tadqiqot maqsadli tanlangan ilmiy nashrlar hamda professional hujjatlarning narrativ sharhi, qiyosiy tahlili va nazariy umumlashtirilishiga asoslangan. Kompetensiyaviy tayyorlov, kasbiy rivojlanish, identiklik, ishchi munosabatlar, jamoaviy va tashkiliy muhit, psixologik farovonlik hamda raqamli sport kontekstiga oid dalillar qiyoslandi. Tahlilda konseptual modellar, empirik kuzatuvlar va professional tavsiyalarning ilmiy maqomi farqlandi. Sportchining psixologik ko'nikmalarini sport psixologining kompetentligi bilan tenglashtirish, subyektiv bahoni faoliyat samaradorligining bevosita ko'rsatkichi sifatida olish va kibersport dalillarini fidjital sportga tekshiruvsiz ko'chirish metodologik muammolar sifatida ko'rsatildi. Bo'lajak sport psixologlarini tayyorlashda kasbiy vazifalar, kuzatiladigan xatti-harakatlar va natija mezonlarini o'zaro muvofiqlashtirish tavsiya etildi. Takliflarning mahalliy sharoitdagi samaradorligi keyingi empirik tekshiruvni talab qiladi.
Author: Rasulov, Zokir Pardayevich
Language: Uzbek
Subfield: Developmental and Educational Psychology
Field: Psychology
Domain: Social Sciences
SDG: Quality education
Open Access status: diamond
OpenAlex ID: W7224999735