Year: 2026
Type: article
Abstract: Surunkali qaytalanuvchi aftoz stomatit og‘iz bo‘shlig‘i shilliq qavatining takrorlanuvchi yarali shikastlanishi bilan kechadigan, bemorning ovqatlanishi, nutqi va hayot sifatiga salbiy ta’sir ko‘rsatuvchi kasallikdir. Mazkur maqolada surunkali qaytalanuvchi aftoz stomatitni kompleks davolashda lazer terapiyasini qo‘llashning zamonaviy ilmiy asoslari, uning og‘riq sindromi va yara bitish jarayoniga ta’siri hamda an’anaviy davolash usullari bilan birgalikda qo‘llash imkoniyatlari tahlil qilinadi. Adabiyotlar tahlili past intensivlikdagi lazer terapiyasi og‘riqni kamaytirish va aftoz yaralarning bitish muddatini qisqartirishda istiqbolli usul ekanini ko‘rsatadi. Shu bilan birga, lazer parametrlarining turlicha bo‘lishi va tadqiqotlar natijalaridagi farqlar ushbu usulni yanada chuqur o‘rganish zarurligini ko‘rsatadi.
Institution: Tashkent State Medical University
Language: English
Subfield: Radiology, Nuclear Medicine and Imaging
Field: Medicine
Domain: Health Sciences
Open Access status: diamond
OpenAlex ID: W7225606469