Istória Psikolojia Nian: Konseitu kona-ba Psyché (Parte 1) Razaun no Emosaun, Mente no Isin.
Year: 2019
Type: article
Abstract: Artigu ida-ne’e nu’dar parte dahuluk hosi estudu kle’an ida ne’ebé analiza kona -ba konseitu psyché no ninia relasaun ho siénsia psikolójika sira. Iha parte dahuluk ida-ne’e (ne’ebé hamutuk parte tolu), ha’u aprezenta mitu-gregu nian kona-ba Eros no Psyché, nune’e mós fó panorama hosi hanoin hirak-ne’ebé maihosi Sócrates, Platão, Aristóteles, Avicena, São Tomás de Aquino no Descartes kona-ba konseitu psyché. Importante tebes atu ita hatene istória hosi konseitu psyché atu ita bele komprende debate sira psikolojia moderna nian kona-ba relasaun entre mente, kakutak no isin, razaun no emosaun, subjetivu no objetivu. Autór sira ne’ebé temi iha artigu ida-ne’e iha hanoin la hanesan kona-ba huun ba konseitu psyché nian, no kona-ba ninia lala’ok oinsá. Maibé, sira hotu konkorda katak psyché nu’udar buat ida-ne’ebé fornese vida/moris, movimentu no iha ligasaun ho kapasidade rasiosíniu nian, razaun no intelektu. Liu de’it hosi hatene didi’ak kona-ba psyché mak ita bele komprende motivasaun no kauza sira hosi ita-nia emosaun, hanoin no hahalok. Ho nune’e, hodi hatene ita nia an didi’ak, ka hodi hetan autokoñesimentu, tenkesér liuhosi análize, pensamentu lójiku no autoreflesaun.
Source: Diálogos
Author: Alessandro Boarccaech
Language: Esperanto
Subfield: General Psychology
Field: Psychology
Domain: Social Sciences
Open Access status: diamond
OpenAlex ID: W4288480414