Interferensiya Hodisasining Tilda Voqealanishi Xususida Olimlarning Tadqiqotlari Va Qarashlari
Year: 2023
Type: article
Abstract: Uzoq vaqt davomida tilshunoslikda interferensiya hodisasi faqat to‘g‘ridan-to‘g‘ri til aloqasi natijasida kelib chiqishi kuzatilgan. 19-asrning oxirida ko‘p millatli davlatlarda tillarni o‘rganish natijasida olimlar tillar bir-biriga ta’sir qiladi va tillar aralashadi degan xulosaga kelishdi. Garchi yoritiladigan mavzu uzoq vaqtlardan beri ko‘plab tilshunos olimlar tomonidan o‘rganib chiqilgan bo‘lsada, shunga qaramay, u bir qator sabablarga ko‘ra dolzarbligicha qolmoqda. Birinchilardan bo‘lib, interferensiya hodisasining ta’rifi haligacha bahsli bo‘lib kelmoqda. Agar tarixga nazar tashlaydigan bo‘lsak, interferensiya hodisasiga asosan salbiy ma’noda qaralar edi, vaqt o‘tishi bilan uning tilga ijobiy ta’sir ko‘rsatishi haqida fikrlar paydo bo‘ldi. Yana bir munozarali tomoni bu–tadqiqotchilar orasida interferensiya namoyon bo‘ladigan sohalarni belgilashdagi qarashlarning turlicha bo‘lishi edi. Biroq an’analarga ko‘ra, interferensiya fonetik, leksik va grammatik bo‘lishi mumkin degan xulosaga kelishgan. 20 -asrning oxirida ular bu hodisani tillararo (nafaqat ikki tilli, balki ko‘p tilli) ham bo‘lishi mumkinligi haqida gapira boshladilar.
Source: Interpretation and researches
Author: Turayeva, Muborak
Language: Uzbek
Subfield: Language and Linguistics
Field: Arts and Humanities
Domain: Social Sciences
Open Access status: diamond
OpenAlex ID: W4322714740