Year: 2023
Type: article
Abstract: Каталитикалық комплекс сутегі пероксидті ортада аммоний вольфраматының ортофосфор қышқылымен әрекеттесуі кезінде in situ түзілді. Эпоксидтеу үрдісінде триоктилметиламмоний хлориді фазааралық тасымалдау агенті ретінде қарастырылды. Құрамында линолен қышқылы жоқ мақта майының эпоксидтенуі соя майымен салыстырғанда жоғары жылдамдықпен жүретіні көрсетілген, алынған өнімде эпоксидті оттегінің жоғары болуымен және қалдықта қанықпаған қосылыстың аз болуымен сипатталады.Вольфрам қышқылы тұздарының катионы өсімдік майының эпоксидтеу үрдісіне әсер ететіні анықталды. Аммоний вольфраматы жағдайында сутегі пероксиді жоғары жылдамдықпен жұмсалады, бұл үрдістің жоғары көрсеткіштерін сақтай отырып, каталитикалық кешен компоненттерінің мөлшерін азайтуға мүмкіндік береді. Үрдістің таңдалған оңтайлы жағдайында құрамында 6,6% эпоксидті оттегі бар және 3 г I2/100 г аз йод мөлшері бар эпоксидті мақта майы алынды, бұл коммерциялық эпоксидті соя майына қойылатын талаптарға сәйкес келеді. Фосфовольфрамат каталитикалық кешені ретінде натрий немесе аммоний вольфраматы, ортофосфор қышқылынан құралған компоненттер алынды. Фазааралық тасымалдау агенті ретінде триоктилметиламмоний хлориді қолданылды. Үрдістің жүру барысы реакция массасындағы сутегі пероксиді концентрациясының өзгеруіне байланысты бағаланды. Өнімнің сипаттамалары ТУ 0253-061-07510508-2001 нормативтік құжатына сәйкес бағаланды.
Language: Kazakh
Subfield: Organic Chemistry
Field: Chemistry
Domain: Physical Sciences
Open Access status: bronze
OpenAlex ID: W4382118913
