Jinoiy Daromadlarni Legallashtirishga Qarshi Kurashish Tizimida Moliyaviy Razvedka Ma’lumotining Ma’muriy-huquqiy Rejimi
Year: 2026
Type: article
Abstract: Ilmiy maqolada jinoiy faoliyatdan olingan daromadlarni legallashtirish va terrorizmni moliyalashtirishga qarshi kurashish (JDL/TMQK) tizimida moliyaviy razvedka ma’lumotining kompleks ma’muriy-huquqiy rejimi va uning o‘ziga xos xususiyatlari ilmiy nuqtai nazardan tahlil qilinadi. Ushbu ma’lumotlar rejimi bank siri, soliq siri, shaxsga doir ma’lumotlarni muhofaza qilish, axborot xavfsizligi, tezkor-qidiruv faoliyati hamda jinoyat-protsessual isbotlash normalari bilan uzviy bog‘lanishi, biroq uning ustuvor tashkiliy-preventiv asosi ma’muriy-huquqiy tabiatga ega ekani qonuniy va nazariy jihatdan asoslanadi. Maqolada shubhali operatsiya to‘g‘risidagi dastlabki xabar, davlat manbalari bilan boyitilgan moliyaviy razvedka ma’lumoti hamda yakuniy moliyaviy razvedka tahliliy mahsulotining har biri alohida huquqiy maqom va ahamiyatga ega ekani ko‘rsatib beriladi. Muallif moliyaviy razvedkaning tahliliy mahsuloti o‘z-o‘zidan jinoyat-protsessual dalil bo‘la olmasligi, u faqat vakolatli davlat organi tomonidan qonunda belgilangan tegishli protsessual shakllarda mustaqil baholanganidan va rasmiylashtirilganidan keyingina to‘liq daliliy ahamiyat kasb etishi mumkinligi haqidagi ilmiy xulosani ilgari suradi. Maqolada moliyaviy razvedka ma’lumotlarini saqlash, tuzatish, yo‘q qilish, maqsaddan tashqari foydalanishni cheklash hamda nazorat mezonlarini takomillashtirish bo‘yicha amaliy takliflar ishlab chiqilgan
Source: ВЕСТНИК ЮРИСТА
Language: Uzbek
Subfield: Sociology and Political Science
Field: Social Sciences
Domain: Social Sciences
Open Access status: diamond
OpenAlex ID: W7204464142