Sting1 (rs1131769) Генетик Вариантлари Ва Уларнинг Оғир Бронхиал Астмада Микробиота Таркибига Таьсири
Year: 2026
Type: article
Study design: Observational Study
Abstract: Резюме. Мақсад. Оғир бронхиал астма билан касалланган беморларда STING1 генининг rs1131769 генетик вариантларининг юқори нафас йўллари микробиотаси таркиби билан боғлиқлигини соғлом шахслар билан таққослаган ҳолда ўрганиш. Материаллар ва усуллар. Бир марталик (кесимий) тадқиқотга 100 нафар иштирокчи киритилди: GINA тавсияларига мувофиқ даволашнинг 4–5-босқичидаги оғир бронхиал астмага чалинган 70 нафар бемор ва 30 нафар амалда соғлом шахс. STING1 генининг rs1131769 полиморфизми реал вақт режимидаги аллел-специфик полимераза занжир реакцияси (ПЗР) усули ёрдамида генотиплаштирилди. Бурун-ҳалқум шиллиқ қавати микробиотаси културал усул ҳамда ажратиб олинган изолятларни MALDI-TOF MS идентификатсияси орқали баҳоланди. Статистик таҳлил Пирсоннинг χ² мезони, Фишернинг аниқ тести ҳамда 95 % ишончлилик оралиғи (ИО) билан имкониятлар нисбати (ИН) ёрдамида амалга оширилди. Натижалар АА гомозигот генотипи ҳеч бир гуруҳда аниқланмади. GG ва АG генотипларининг тақсимланиши Ҳарди–Вайнберг мувозанатига мос келди ҳамда асосий гуруҳ (85,7 % ва 14,3 %) билан таққослаш гуруҳи (83,3 % ва 16,7 %) ўртасида статистик жиҳатдан ишончли фарқ кузатилмади (п=0,766). Бурун-ҳалқум шиллиқ қаватида микроорганизмлар ўсиши асосий гуруҳ беморларининг 82,9 % ида, таққослаш гуруҳидаги шахсларнинг эса 96,7 % ида аниқланиб, фарқ статистик аҳамиятга эга эмас эди (п=0,101). Энг кўп учраган микроорганизмлар Staphylococcus epidermidis ва Staphylococcus aureus бўлди. АG генотипи ташувчиларида Staphylococcus epidermidis колонизацияси GG генотипи ташувчиларига нисбатан статистик жиҳатдан ишончли даражада юқори кузатилди (70,0 % га қарши 31,7 %; OR=5,04; 95 % ИО: 1,17–21,63; п=0,032). Staphylococcus aureus учрашиш частотаси эса генотиплар ўртасида фарқ қилмади (30,0 % га қарши 38,3 %; п=0,734). Staphylococcus epidermidis билан аниқланган боғлиқлик кўп марталик таққослашларга тузатиш киритилгандан сўнг статистик аҳамиятини сақлаб қолмади ва каттароқ танланмада тасдиқланишни талаб қилади. Хулоса. STING1 генининг rs1131769 полиморфизми билан оғир бронхиал астма ўртасида статистик жиҳатдан ишончли боғлиқлик аниқланмади. А аллели ташувчиларида Staphylococcus epidermidis ташувчилигининг юқорироқ учрашиши бўйича дастлабки сигнал қайд этилди, бироқ у кўп марталик таққослашлар учун тузатиш киритилгандан кейин тасдиқланмади. Олинган натижалар GAS–STING1 сигнал йўлининг оғир бронхиал астма патогенезидаги эҳтимолий ролини инкор этмайди ҳамда микробиотани юқори унумдорликдаги секвенирлаш усулларидан фойдаланган ҳолда каттароқ танланмаларда кейинги тадқиқотларни ўтказиш зарурлигини асослайди. Калит сўзлар: бронхиал астма; оғир бронхиал астма; STING1; ТМЕМ173; rs1131769; GAS–STING1; бурун-ҳалқум микробиотаси; туғма иммунитет; битта нуклеотидли полиморфизм; «ичак–ўпка» ўқи. Калит сўзлар: бронхиал астма; оғир астма; STING1; TMEM173; rs1131769; cGAS-STING; бурун-ҳалқум микробиотаси; туғма иммунитет; бир нуклеотидли полиморфизм; «ичак–ўпка» ўқи.
Institution: Tashkent International University
Subfield: Pulmonary and Respiratory Medicine
Field: Medicine
Domain: Health Sciences
Open Access status: green
OpenAlex ID: W7204010202
